Waajibaadka muhiimka ah
- Xakamaynta qulqulka lacagta dowladda iyo maareynta macaamilka bangiga si loo sugo lacag-heli-karnimada iyo xasilloonida maaliyadda.
- Maamulka hawlaha maaliyadeed ee maalinlaha ah si lacag-bixinnada iyo dakhli-qabashada dowladda loogu fuliyo si hufan.
- Kormeerka maareynta hantida dowladda si loo dayactiro loona isticmaalo si waxtar leh.
- Maareynta deynta dowladda, oo ay ku jiraan gorgortanka iyo bixinta amaahda gudaha iyo dibadda.
- Diyaarinta iyo gudbinta bayaannada maaliyadda ee gudaha iyo dibadda oo dhammaystiran, loona gudbiyo Wasaaradda, hay'adaha kale ee dowladda iyo hay'adaha caalamiga ah.
- Hubinta in dhammaan hab-dhaqannada maaliyaddu waafaqsan yihiin sharciga iyo hab-dhaqanka wanaagsan ee maareynta maaliyadda dadweynaha.
- La socodka iyo kormeerka macaamilka maaliyadeed ee hay'adaha dowladda si loo dhaqangeliyo xeerarka maaliyadda.
- Dhaqangelinta kontarool adag oo looga hortagayo khiyaanada iyo lunsiga lacagaha.
- Kormeerka Qaybta Ilaalinta Kaalmada Dibadda (External Assistance Fiduciary Section), maareynta lacagaha deeq-bixiyeyaasha iyo hubinta in loo isticmaalo sida lagu heshiiyey.
- Warbixin u gudbinta hay'adaha caalamiga ah ee ku saabsan isticmaalka lacagaha iyo u hoggaansanaanta heshiisyada maalgelinta.
- Hoggaaminta dejinta siyaasadaha maaliyadda ee kor u qaada anshaxa maaliyadda iyo hufnaanta.
- Talo-siinta saraakiisha sare ee Wasaaradda ee istaraatiijiyadaha maareynta maaliyadda ee taageera xasilloonida iyo kobaca dhaqaalaha.